Finalmente Vierno

Mò cò cavero è fernuto nù penziero m'ha cugliuto, io e te arravugliati stritte stritte dint'o lietto. M'appripaoro p'a nuttata fischiettanno alleramente, ca lametta dint'e mmane n'anzo o specchio a mè sbarbà. sento ca te sì cuccata, votto e mmane a me spiccià e p'a pressa sgarro a mano miezzu musso stò a taglià. Dint'o scuro tasto ll'aria, scanzo a seggia appier'o lietto, ma ca capa dò na botta nfacci'o pizzo da spicchiera. Po dulore dò n'allucco, na yastemma m'esce a vocca; chistu cazzo e mausoleo yusto ccà ll'iva lascià? O silenzio da nuttata mette in chiaro a situazione, o rravuoglio nun se fà. Il mio grande, grande Ammore, doce doce stà a russà.