Dialettali 17 ottobre 2008 · lettura 2 min · 4744 letture

+ Segui

Pppè scarogna, o'mbrùogli simu 'ntràmati laschi. se spaparanza sbafante u malucugnu, ccù llà sua cricca de malupitignu . Se jocanu allu tuoccu, l'Italicu destinu, scarricannu varrili e allu ruttu, a culuri ccè 'mpàcchiànu le pezze. Poveri annui poarielli, e vurpe vecchje nnàu chjecchjariatu, vou resu cuntu puru du pilu'ncarnatu . Amu lassatu futta u caru bolletta, pane, pasta, latte, puru 'ncarati . borse 'ncaduta mutui sagliuti. Taliani 'ncazzati, sbafuttuti e grastati . u'nsannu a quale Santu fare vutu . Sa mala gramigna chine a ferma, ha rariche antiche, marce e funne . Aspettamu, accucciunati, 'ndra limpu i l'assunnati, ni projanu tartiagnu, ccu verità scusagne. L'euro"di cancaru", malatu d'à finanza sciènziati ha chiamatu, puru illi, spagnatizzi, pilu su pilu natanu, e 'ndrà garbugli affucanu. Vrusciata a bona gregna lassata alla gramigna! S'ambroglia se scummeglia, arrassusia, a pace sinne vadi a zimmulluni . Basta mastravote, a destra e a sinistra . basta, ccù llù fiscu e llà banca centrale, latru è chine arrobba è chi reja lu male . A gente, spacienziata,'mpicata, survigna, a fàre cunti,'ncigna . A pace se mantena, si nu cannistru va e nnù cannistru vena . Quannu a vilanza penna, è morta 'a justizia . Cassandra ha vistu e dittu: " Ca si nun fossa ppè l'agliu e l'uogliu, si vidissa lu futtari chiaru" u riestu, ari giurnali è scrittu.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Lina Maria Cino

Scrivo quando le parole mi perseguitano o quando mi ronzano intorno ansiose d'emanarsi. Le sento, le vedo mettersi in fila.