Dialettali 21 dicembre 2008 · lettura 2 min · 2755 letture

+ Segui

Stamatina appena risbigliata, a na strania mi signu ritruvata L'aria frisca addura de jinostra, m'arricordava a Calabria nostra. terra duce, verde e scarcinata, dduve a povertà era reggina, pecchissu ognunu circa la furtuna sinne va ppè su munnu munnu chjancia, lu core cumu foss'alluttu, mentre la vucca dicia dici"minne futtu" vertula ncuaddru e trenu affucatu a vint'anni già uomu vissutu omo saputu, di lu tuo distinu puru ntrà la strania fosti sovranu chiru ca qutrariallu t'à pripositatu già de bell'anni, certizza è riventatu Quant'à valutu a 'mprunta chi n'à datu, centumila vote cchiù di quantu n'à spisu; garbatu dilicatu, ccù sapì fari ha cuvèrutu u scalasciuni ca n'à furminatu. cumu jocca à pruvidutu a chir'orfana e spagnata nidijata. pregatu lu Segnure all'onoranze ca nun llì dassa atra penitenza, Mammà, povarella, unn'à curpanza. Tempu fujutu... capiddri argentati l'amaru svapuratu, sianzu à truvatu. Carmo lu core te vatta ntrà lu piattu Di vita netta, certizza n'à fattu. Simu simenze spernuzzate 'nterra amara ccù forza è volontà simu jurute, pecchissu escia di lu core miu, nu cantu allegru ca dicia "Grazie Diu".

♥ 0 💬 3

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Lina Maria Cino

Scrivo quando le parole mi perseguitano o quando mi ronzano intorno ansiose d'emanarsi. Le sento, le vedo mettersi in fila.