Dialettali 3 aprile 2006 · lettura 1 min · 4576 letture

+ Segui

Mmiez' 'e ffronne 'e limone je 'a penzavo... senza vedé a nisciuna. 'E ffigliole passavano p' 'o llasteco tacchettianno cu 'e zzuoccole 'stu penziero 'e Nannina... Nannina bella, cianciusa e fina, me n' 'e fatto jettà lacreme pe' tanta mise ca simme state 'nzieme! Ammore vola, e 'o tiempo nun 'o tene... E cchiù 'nce penzo cchiù triste me ne vene. Ma nu sfizio mò m'ê fà passà... 'e dicere 'stu core tujo addò stà, si s'è mmiso 'a capa a ffà bbene o sta cuvanno quacch'ata 'nfamità.

♥ 0 💬 1

🌐 Pubblicata con licenza Creative Commons: puoi condividerla e ripubblicarla citando l’autore e la fonte.

Ferny Max Curzio