O’ primme vaso

Ricordo ‘o primme vaso, tu jire piccirella è pur’ je, areto o’ palazziello ‘e casa toja, na sera ‘e primmavera, io, te vasaje. ’A lengua toja sapeva e latte, ’e labbra comm’è ‘e cerase, ancora m’è ricordo: " Cavere comm’è ‘o sole ncoppa ‘e scoglie ’e Mergellina. Tu tremmavi, ‘e i tremmavo, ’e cosce mei ballavano ’e ‘o core nganno mo sentevo, steve mmpaurito, ma’ po, pigliai curaggio: " Primma, t’abbracciaje ‘e dopo te vasaje. Tuccaje’ e stelle, tuccaje ‘o mare, ’o paraviso tuccaje ca lengua mia dinta ‘a vocca toja. Tanta da cuntentezza ca’ pruvaie tra mè e mè, gurdanne dinta all’uocchi tuoje, je me dicette:" Maronna mia ... Carmè, mò posso pure mùrì.