’ A Carnacuttara

A’ sapita ‘ a nuvità, ‘ a figlia ‘ e Rusinella, ‘ a carnacuttara, Miluccia ‘ a nsvosa, se sposa! A’ truvato ‘ o frullocco … Nù suldato caporale ‘ e nate munno: Torinese” Quann’ essa parla ca vucchella ‘ e rose,  isso,‘ a guarda mocca pe vulì, s’ allicche ‘ e baffe Vittoriane, ‘ e lli ripete comme na canzone, appriessa appriesse, Milù...quanne si bella. ‘ O guai e co’ suldatiello nun conosce ‘ a storie ‘ e Miluccella,: Promessa a ciente mani,: nire, bianche, ‘ e mericane " ‘ a signurina vene sempre meno ‘ a parola data, se diverte ‘ a piglià in giro ‘ a tutto l’ uommene ca livrea,: suldate, bersagliere ‘ e caporale.
Po ride ‘ e canta cu na vucella deliziosa,
po allucca a scarciacole  Avanti il prossimo ‘ a pentola bolle, ca’ vennimme ‘ a carnacotta! Jamme ‘ a cattà, ‘ e senza scuorno
se mette ‘ a recità: LL’ ammore ched’è. O’ sudore ‘ e na’ pera ca’ si scioglie dinta ‘ a vocca. Na’ percoca dinto ‘ o vino. nu’ piccolo lumino ca mai se stute. Na’ fritture ‘ e treglie fresche, taratufoli ‘ e tunninele piscata ‘ a margellina. E’ ‘ o Vesuvio co’ pennacchio, o’ castiello ca’ s’ stenne ncoppa ‘ a l’ acqua. O’ prufume ‘ e stà città. Ched’è ll’ ammore? E’ nu’ cuoppo rinto ‘ o core, cà raccoglie ‘ e generale.