Dialettali 20 ottobre 2011 · lettura 1 min · 2968 letture

+ Segui

Quandu si faci traccia lu doluri ti grancina lu cori ogni notti, ti schiumpi comu pezza senza suli l’ossa novi ti faci mu’ t’accatti. Ti faci silenziu e dispiaciri ti macina paroli supra a vucca, e tu non trovi cchju cu’ lu so diri la paci, ma ‘na lingua sempri ‘sciutta. E’ poveru, è malutu lu to cori t’attacca comu juncu puru ‘i mani, e ‘na preghera dassa senza scontu ti menti ‘na catina comu cani. Hjacca lu silenziu e puru li mura ‘ntinna nu sonu e passa i parti a parti, chistu è doluri chi non temi u’ jocu s’avvicina ‘na galera cu’ li carti. Quandu faci traccia lu doluri supra li carni ‘gljiuma comu focu, ‘na travi i ferru diventa supra e spagli ti scava comu terra senza posu. Si voi vidiri lu ‘mpernu la matina chi zappulia lu to’ orticegliu, è ‘stu figghju di p... a du doluri chi ti faci comu ‘n’orfanegliu!

♥ 0 💬 3

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Caterina Zappia

Caterina è nata a Parigi, fra il profumo di cioccolato amaro e la musica di Édith Piaf .Scrive poesie fin dalla sua tenera età. Scrive versi perchè sono loro a farla sentire viva ed amata, sono frammenti di se, di giorni passati, frammenti di sogni e di ricordi che si annidano nella sua anima. La tristezza, la solitu