Dialettali 11 dicembre 2012 · lettura 1 min · 2180 letture

+ Segui

Mi dicu ‘nu rosariu chista sira, in nomi di chista amara terra, si staci cogghjiendu a muzzicuni sembra hjuri mortu, ‘nta la serra. A manu a manu, chi fazzu la cruci, cu’ la frunti, lu pettu e li spagli, la guardu e la viju, morza a morza, spremuta fitta fitta, cu’ li cagli. La prima posta, la dicu e mi fermu, e poi m’allazzu a chistu cori ‘nu pocu di stincu chi trema, pari puru ‘igliu, ‘nu hjuri chi mori. Mi dici ‘stu cori quasi ‘ncajiatu: “ma tu voi ‘u m’inganni patruna”, eu senza occhji la viju c’agliuma, comu diavulu grida ncazzatu. E mi fazzu tri cruci a ‘na vota cu’ silenziu e du’ gocci di hiatu, chista terra ndavi tantu bisognu di preghieri comu ferru filatu. E tu, amicu meu, chi penzi sempri, la gula ti sarta e ti fermiculija, chista lingua, ti faci novi i denti ‘stu rosariu è pa’ la terra mia.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Caterina Zappia

Caterina è nata a Parigi, fra il profumo di cioccolato amaro e la musica di Édith Piaf .Scrive poesie fin dalla sua tenera età. Scrive versi perchè sono loro a farla sentire viva ed amata, sono frammenti di se, di giorni passati, frammenti di sogni e di ricordi che si annidano nella sua anima. La tristezza, la solitu