Motu di l'Elementi

Chetu, lu ventu, pasci a la campìa, accarizzannu ‘a terra e li so’ ciuri, ‘nta n’arvulu ‘na fogghia trimulìa, n’aceddu canta l’innu di l’amuri. Lu suli si stinnicchia e sunnulìa, spannènnu a la natura ‘u so caluri, ‘na nuvulidda ‘ncelu lu talìa, ‘ncantata du so magicu splinnuri. Lu mari mòvi l’unni e cu valìa, li mòvi versu la terra e cu arduri, la vasa e cheta poi la so pazzìa; la terra ammuccia ‘i vampi di russuri, cuntenta pi lu mari ca smanìa, amànnila sinceru, tutti l’uri. TRADUZIONE: Calmo, il vento pascola nei campi, accarezzando la terra e i suoi fiori, sopra un albero tremola una foglia, un uccello canta l’inno dell'amore. Il sole si stiracchia e sonnecchiando, spande il suo calore alla natura, una nuvoletta in cielo lo guarda incantata dal suo magico splendore. Il mare muove le onde con vigore, li muove verso la terra e con ardore, la bacia e quieta poi la sua pazzia; la terra nasconde vampe di rossore, contenta per il mare che smanioso l’ama sinceramente a tutte le ore.