Dialettali 16 agosto 2013 · lettura 1 min · 3859 letture

+ Segui

So’ Carmela ‘a mezapelle na medusa ‘e Grotticelle ca giranno pe’ stu mare va cercanno nu riparo... So’ ‘mpicciosa e strafuttente e me piace ‘e ‘nzurdà ‘a gente. Sporca merca vummecosa so’ ‘nzevata e so’ rattosa e si trovo nu cuncierto sono e canto a culo apierto. Stammatina dint’a l’acqua cu stu sole stralucente doppo n’ora fatta ‘e stiente l’aggio visto gruosso a galla (era, gente, nu tarallo) e cu tanto ‘e fantasia me so’ detta: "Chesta è ‘a via!" e mettennece curaggio me so’ fatto ‘o meglio assaggio... Era overo nu purtento ma aggio perzo quacche dente... Era bello frisco e tuosto ma sta sciorta troppo costa! Mo’ so’ tutta lesiunata ma me songo cunzulata! Mo’ so’ tutta ammullacchiata ma m’é parzo na sceriata! Mo’ so’ tutta rimbambita... Che vulite? Chesta è ‘a vita!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese