Dialettali 26 dicembre 2013 · lettura 2 min · 8962 letture

+ Segui

È Natale tutte ‘e juorne quanno friddo famme e scuro nun te mettono paura... quanno siente ca sta panza nun te porta cchiù lagnanza... quanno ‘nfaccia a nu turmiento nun te smove manco ‘o viento... È Natale tutte ‘e juorne quanno affierre ca ‘e penziere nun so’ tale e quale ajere... quanno canta a tutte l’ore e ogne croce dà calore... quanno ‘o suonno nun fa ‘a notte e nun triemme ‘nnanz’a morte... È Natale tutte ‘e juorne quanno abballe quanno rire quanno ‘a vita è comme ‘a crire... quanno ‘a capa nun sbarea quanno ‘o core s’arrecrea quanno chiove e nun te ‘nfunno e l’ammore è tutto ‘o munno... È Natale ogne jurnata si tu stai cu ‘e furtunate... ma ‘o Natale è cosa ‘e maje si sì nato miezo ‘e guaje! E pe’ chesto ca ie vulesse nu Natale c’o ‘nteresse pe’ chi tene l’aidiesso pe’ chi ‘a famme è nu pruciesso pe na vita ca malata nun canosce na fermata pe criature abbandunate p’e perzone ca so’ sole ca stu sole ha maje scarfato... e pe’ te ca tiene tanto e te bive sta jurnata comme fosse limmunata. AUGURI... guagliò: ’A passammo sta nuttata?

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese