Dialettali 30 dicembre 2013 · lettura 2 min · 2300 letture

+ Segui

Stasira, u celu, è ‘nu tilaru novu, li stigli, tessanu hjiuri cu’ filu i mari, ma nui simu ‘ncollati a ‘nu destinu cu’ l’occhji conzati senza riposari. E tu torni ancora... ‘sta vota, comu a ‘nu fantasma attornu a ‘sti nuvuli fatti pani, li iorna chi tremanu senza parrari. Tremanu e sannu ca’ ‘sta terra non esti com’a prima, a undi criscìa ‘na reschia d’agghji ora c’è la mundizza chi passija. Trema lu giuvanottu senza futuru, spremendu l’occhi com’a du funtani, la vecchjia dormi e pa’ cuscinu duru teni i so’ speranzi ‘nta li mani. Dimmi ca sì, ed eu, ti apru a porta e puru lu cori, comu fici sempri, vogghju ‘nu pocu i paci e u benedici ‘st’aria chi si mangia li rredicati. Torna e portami poca ianestrera ventu di mari intra a ‘sta finestra, dassami ‘u velunu, i fora fora e a lingua affilata chi si presta. ‘Na tila ricamata comu a stasira pa nu respiru chi s’allarga sempri com’a ‘na nuvulata chjina d’acqua u faci u levvita puru ‘stu destinu.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Caterina Zappia

Caterina è nata a Parigi, fra il profumo di cioccolato amaro e la musica di Édith Piaf .Scrive poesie fin dalla sua tenera età. Scrive versi perchè sono loro a farla sentire viva ed amata, sono frammenti di se, di giorni passati, frammenti di sogni e di ricordi che si annidano nella sua anima. La tristezza, la solitu