Dialettali 15 gennaio 2014 · lettura 1 min · 3772 letture

+ Segui

E’ meza parte ‘e me, amara e sapurita... na sciorta calamita ca fa sunnà e schiattà p’ammore ca te dà. E’ meza parte ‘e lietto, scurnosa e tarantara... è l’urdema cummara ca pogne e t’avvelena ‘ncoppa a chest’altalena. E’ meza parte ‘e vita, sfruntata e vucculona... ‘o meglio d’a staggiona ca scogna mare e terra e denchie si t’afferra. E’ meza parte ‘e cielo, picciosa e stralucente... è stella ‘mpertinente ca è bbona a signalà a strata ca può fa’. E’ meza parte ‘e Dio, mo’ figlia e mo’ maesta... E’ ‘a smania ca t’appesta ca ‘mbroglia vita e morte e arape core e porte.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese