Amore 13 febbraio 2014 · lettura 1 min · 4845 letture

+ Segui

E si ll’ammore fosse na paura ie cammenasse ‘e notte dint’ ‘o scuro e me cercasse alleramente ‘e guaie e me magnasse ‘o core ‘e chi già saie. E si ll’ammore fosse na staggione c’ ‘o sole me mettesse a fa’ ‘o capone e me scetasse allero ogne matina e me tenesse ‘a luna sempe ‘nzino. E si ll’ammore fosse carnavale io me vestesse sempe ‘a generale e cumannasse a tutta quanta ‘a ggente ‘e sta’ pe’ sempe aunita amorcunzente. E si ll’ammore fosse na scummessa ie cunzumasse ‘e sorde ampressa ampressa jucanneme tre nummere dannate p’addeventa’ pezzente e sfasulato. E si ll’ammore fosse nu rilorgio ‘o tiempo t’ ‘o facesse peccerillo tagliannelo murzillo cu murzillo e t’ ‘o regnesse ‘e vase a ogne strillo. Ma l’ammore è na penna vummecosa ca mente scrive pogne e fa ‘a schiattosa e ‘ncopp‘ ‘a carta ‘o core sta a ‘nzurda’ ca cu sta chiocca nun vole arraggiuna’.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese