Dialettali 26 aprile 2014 · lettura 1 min · 3018 letture

+ Segui

E te vulesse ancora scapricciata c’a luna dint’a sacca 'mpupazzata c’a vocca pronta a fa’ na serenata ma tiene ‘a capa sciacqua e sciacquariata. E te vulesse allera e sustenuta ca suone ‘a canzuncella d’a saluta c’a fede e c’a passione cchiù chiantuta ma sì na brutta lagna arruzzunuta. E te vulesse ‘ncopp’o lietto annura senz’avé scuorno senza na mesura c’a forza ‘e chi c’o viento s’ammatura ma sì na borza chiena ‘e pugnetura. E te vulesse chiaveca e mappina c’a voglia ‘e spurmunà fin’a matina vasanno ogne mumento sta reggina ma sì na grasta tosta e murtacina. E te vulesse femmena e cianciosa fra tanta gente fresca e spiritosa c’o genio ‘e chi addeventa ricca sposa ma sì na vecchia sfatta e sì schiattosa.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese