Dialettali 24 settembre 2014 · lettura 1 min · 2583 letture

+ Segui

E’ na canzona ca nun tene sciato pecché chi ‘a canta è nato già scurdato... E’ na canzona ca nun tene mamma pecché è crisciuta justo int’a quartamma... E’ na canzona ca dimane more pecché già sape ca nun tene core. Se sente miez’e strade ‘e chesta vita ‘ncopp’a nu banco scritta c’a matita e parla d’a paura ‘e nu nennillo ca chiagne assaje nun poco pucurillo pecché ‘a cumpagna stesa int’a nu lietto pe’ na freva nun trova cchiù arricietto. E sona notte ne juorno c’a speranza ca ‘o male se ne fuje ‘a chella stanza... E canta juorno e notte c’a ragione ‘e chi sente annuro e scarrafone pe’ scarpisà stu viento malamente ca scioscia dint’o sango e fa ‘o fetente. E’ na canzona ca se chiamma ammore pecché vulesse scancellà ‘o dulore... E’ na canzona ca se sente annura pecché se trova sola ‘nfaccio ‘o muro... E’ na canzona ca nun serve a niente pecché nun sceta tutta chesta gente!

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese