Dialettali 22 ottobre 2014 · lettura 1 min · 8639 letture

+ Segui

" ‘E sorde songo ‘a meglia cumpagnia... songo ‘o chiavino c’arape tutte ‘e porte! " scramaje ‘o cchiù riccone ‘nnante ‘a morte, credennese ‘e puterla ‘ntravuglià cu na montagna ‘e sorde a fa schiattà. ’A morte se facette na risata e cu na voce arza ma ‘ntunata ’o rispunnette propio ‘a galantommo: " Pe’ sorde t’è scurdato ca si ommo, ’a dignità l’he miso int’e cazette... Pe’ sorde tu sì stato na ninette! T’abbuffato, t’a dato e t’a vennuto e a faccia ‘e l’ate tu te si regnuto... Cu ‘e sorde t’agguazzato tutta ‘a vita ma ‘a sottoscritta nun t’a può accattà! Io porto ‘e cunte e so’ na brutta zita... Songo cecata, sorda e ‘nchiavecona... Io ‘nchiudo ‘e porte e arapo uno purtone, e comme trase ccà te faie cravone! Può pure trasfurmà chello ca tuocche... Sarrà tutt’oro ma appiso a chiste cruocche ce truove ‘a meglia gente ca int’a niente comme m’a vaso torna a fa ‘a pezzente!"

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese