Dialettali 3 dicembre 2014 · lettura 1 min · 2668 letture

+ Segui

E stu Natale famme sta' cuieto senza 'o turmiento ca me scioscia areto senza sti vocche fresche ‘e tremmentina ca sparano sentenze ogne matina. E stu Natale fermame 'o rilorgio ca ‘a troppo tiempo face ‘o mastuggiorgio e segna l’ore ‘e pece e cchiù ‘ntuppose spannennele lucente e speretose. E stu Natale miettece abbunnanza almeno faje cuntento sulo 'a panza ca magnanno e bevenno cu crianza se mette a raggiunà senza ‘a valanza. E stu Natale voglio nu favore ca arricurdasse a quacche ‘mpacchiatore ca senza figlie 'o munno è scummarola... E’ justo carna cotta e pummarola. E stu Natale spieca a tutta ‘a gente ca ‘o sole 'ncielo saglie resprennente sulo si tene ‘a faccia sapurita e vene pe' scarfà ‘o core e ‘a vita.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese