Vulesse nu Natale (lingua napoletana)
Peppe Cassese
2167 poesie pubblicate
+ Segui
Vulesse nu Natale
e no uno normale
ma uno assaje speciale
tutto particolare
addò na mana stesa
fosse nu raggio ‘e sole
addò nu vaso doce
carmasse nu dulore
addò nu tanti auguri
valesse ciento core.
Vulesse nu Natale
e no uno banale
ma uno eccezionale
‘mpanuto e senza scale
addò nu vraccio muzzo
facesse ‘o natatore
addò na scarpa rotta
pigliasse ‘a scurciatora
addò nu muorto ‘e famme
putesse fa’ ‘o signore.
Vulesse nu Natale
e no n’elettorale
ma uno origginale
miso ‘ncoppa ‘o giurnale
addò duie uocchie ‘mmatule
parlassero d’ammore
addò nu figlio perzo
nun fosse ‘mpustatore
addò na mamma afflitta
cantasse a scialacore.
Vulesse nu Natale
e no uno formale
ma uno magistrale
tutto fenomenale
addò nu pianefforte
sunasse ‘a ‘ncantatore
addò na malalengua
nun fosse apprettatora
addò sta penna storta
facesse ‘o cusetore
e te mettesse aunite
‘o justo e ‘o peccatore.
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Peppe Cassese
Commenti (1)
Accedi per lasciare un commento.Accedi
Antonio Biancolillo10 dicembre 2014
Un sapore di lingua che sa di emozioni... una lettura così gradevole e musicale... anche se non la conosco bene... Arriva lo stesso in tutta quella speranza di ... "Vulesse nu Natale e no uno normale ma uno assaje speciale tutto particolare" Un Natale di profondo cambiamento... un Natale da respirare nella sua vera aria... e non nella solita "consuetudine"...e che sappia mettere in atto il bellissimo pensiero della chiusa ... "addò sta penna storta facesse ‘o cusetore e te mettesse aunite ‘o justo e ‘o peccatore... Apprezzatissima...