Dialettali 21 gennaio 2015 · lettura 2 min · 2146 letture

+ Segui

Nu sì pe maje fernì pe farte ‘nfanfarì pe fa’ ca po’ sta vocca ogne matina schiocca e dice: “Bene mio sì comme te vogl’io|” Nu sì pecché accussì te faccio ‘nsuperbì senza ca int’o lietto tu truove maje arricietto scartanno ogne mesura scanzanno ‘a schioppatura. Nu sì pe ‘nzapurì per farte ‘ncannarì pe fa’ ca chesta vita se ‘ntorchia sapurita p’a regnere c’o scisto ca fa sguiglià ‘o canisto. Nu sì pe fa’ sparì rilorge e viernarì pe darte nu piacere cchiù doce ‘e cchiù d’ajere pe vencere ‘a scummessa ca è figlia ‘e sta prumessa. Nu sì pe te ‘nfiacchì c’o genio ‘e te sturdì pecché sì juorno e notte sì stella ‘ncoppa e sotto na rezza senza funno na terra ‘e mare tunno. Nu sì pe t’arapì c’a voglia ‘e te sentì pecché ogne parola cu te addeventa scola e nun’abbasta maje e me scancella ‘e guaje. Nu sì pe nu ‘ndrì-‘ndrì ca mo te stongo a dì ca è fatta ‘e fantasia pecché sì cassesia pecché è grazie a te ca songo pinto e rrè! Nu sì pe te scuprì senza m’ammucetì pecché tu sì cravone ‘o meglio ‘e na passione e ‘nchietta a sta duttrina so’ schiava e so’ reggina!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese