Dialettali 11 febbraio 2015 · lettura 2 min · 2925 letture

+ Segui

Famme essere sincero famme di’ ca tutto è ‘o vero. Famme fa’ chello ca sento famme essere presento. Fa ca chesta vita mia nun deventa tratturia. Fa ca ‘o core stantemente tene ‘o core sempe a mente ca nun venne e nun s’accatta e nisciuno maje te sfratta. Famme ‘a chiocca tosta e prena quanno ‘a sciorta cagna scena. Tu ca saie che d’è na croce m’arricuorde comm’è doce a riala’ senza ca ‘a mano se retira e fa’ l’indiano. Famme ‘e tuorte suppurta’ cu curaggio scarpunia‘... Famme fa’ comme se fa! Famme forte famme allero famme n’ommo senza ‘e zero... Fa ca ‘a pace me ‘ncurona fa ca ‘a vocca mia te stona... Famme vivo famme ardente famme vestere ‘a pezzente. Famme di’ miliune ‘e sì e ogne no fa scumpari‘. Famme scola famme sola ca p’o cielo se ne vola... Famme sta cu chisti amice ca cu loro so’ felice. Fa ca chesta mia città nun canosce ‘a infamità. Famme ricco ‘e chill’ammore ca a sta vita dà sapore e te dice: “Bene mio, ogge sì comme songo io.” Famme crescere e canta’ famme fa’ comme se fa: sulo tu me può sazia‘!”

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese