Amore 26 febbraio 2015 · lettura 1 min · 4651 letture

+ Segui

‘E guagliune ‘e Giacumino se so’ fatte vecchiarielle e nu poco sciancatielle int’o scuro ‘e chesta età se ne vanno a passià e arricordano ca tanno pe nu vaso doppo n’anno se cantava na canzona tutt’o tiempo ‘e na staggiona. ‘E guagliune ‘e Giacumino se so’ fatte duie scarpune e siccome so’ diune se vulessero ‘ngrifà ma nun ponno pe’ l’età pecché ‘o core ‘ncuietatore mo che sente? Sulo addore e se scorda ampressa ampressa n’ata vota ‘a vota appriesso. ‘E guagliune ‘e Giacumino se so’ fatte carna tosta e nun basta cchiù na gnosta pe se mettere a pittà senza nu ‘ntrillavallà. S’addimmannano “Chi sì?” “Te vulesse ‘nzapurì!” ma sta chiocca è ‘nzallanuta sulo ‘a vocca nun’è muta. ‘E guagliune ‘e Giacumino se so’ fatte cchiù criature. Se dicevano “T’ho giuro” e bastava sta prumessa ca è rimasta sempe ‘a stessa. Ogge invece già dimane se ne fuje ‘a int’e mane e vulenno sbafunià justo ‘o buco può appila‘.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese