Dialettali 26 marzo 2015 · lettura 1 min · 2297 letture

+ Segui

‘A casa nosta è chella ca dice sempe sì addò ce può trasì senza cercà permesso senza pavà ‘nteresso. ‘A casa nosta è ‘a sciorta ca piglia ‘o viento ‘e faccia c’o sole dint’e braccia giranno ciento vote senza cagnà na rota. ‘A casa nosta è fatta ‘e prete abbalurate ‘e suonne spullecate senza scartà nisciuno sfamanno chi è diuno. ‘A casa nosta è ‘a vita ca sbatte int’a sti mane stipannese ‘o dimane propio pe’ te cercà iusto pe’ te truvà. ‘A casa nosta è ‘o bbene ca nun te lassa maje ca resta llà addò staie pecché te cresce ‘nzino comme a nu pullecino. ‘A casa nosta è ‘a vrenna ca dà sapore ‘o piatto ca maje te manna ‘o sfratto e comme tu ce trase te passa ‘a pucundria scramanno raso raso: “Guagliò, sta casa è ‘a mia!”

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese