A spasso c’a vita (A spasso con la vita)
Peppe Cassese
2167 poesie pubblicate
+ Segui
A spasso c’a vita
che voglia ‘e sbarià
e ‘ncoppa a na carta
me metto a pazzià...
C’a vrenna e c’o sale
pe’ dà cchiù culore
te ‘nforro a menesta
c’o poco ‘e sapore
ma ‘a famma ca resta
nun ‘ngarro a frenà
e appriesso a nu piatto
cchiù sciascio ca arillo
me cagno antrasatto
e addevento nennillo...
E vaco sbavianno
facenno rummore
parole e penziere
cu raggia e delore
ma dint’a stu ‘mbruoglio
ca ‘a chiocca ha scacato
s’appizza na voce
ca ‘a lampa ha appicciato.
E parla... straparla...
purtanno tempeste
ma ‘a capa s’e scanza
’nchiudenno ‘e feneste...
E’ allora sta smania
accummencia a tremmà
pecché stanno ‘o scuro
n’è cacchio ‘e allummà
e aunito a stu viento
ca fa ‘o cusetore
mo forte e mo chiano
tatana c’o core.
©
Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.
L'autore
Peppe Cassese
Commenti (1)
Accedi per lasciare un commento.Accedi
Daniela Zarriello2 aprile 2015
Come scrive il bravo poeta, la poesia la crei con i tuoi pensieri ma diventa una creatura a sè, capace di "crear tempeste" con la sua esuberanza. Il pensiero logico vuol trattenerla e chiuderla in un forziere dove però l'ispirazione si spegne. Il cuore solo riporta tutto al giusto equilibrio. Comunque è vero che non c'è niente che possa contenere la bellezza della vita in tutti i suoi aspetti.