Dialettali 16 aprile 2015 · lettura 1 min · 2819 letture

+ Segui

E Napule se sceta ogne matina cu sti lenzole appese ‘nnante ‘e laste cu sta munnezza ca s’è fatta ‘nchiasto... E Napule s’addorme tutte ‘e sere cu nu curaggio ca nun tene pate cu ddoje resate rotte e ‘ncatarrate... E Napule se torce tutte ‘e juorne cu stu turmiento ca se chiagne ‘o lietto cu sta paura ca ce volle ‘mpietto... E Napule t’abbruscia ogne staggione cu chesti mane fredde’e na statera cu chesta vocca ca mo’ canta nera... E Napule te chiamma tutta ‘a vita cu chisto munno ca se sente annuro cu chisti core ca mo’stanno ‘o scuro... E Napule m’a sonno tutte ‘e notte cu na speranza ca nun cagna via cu na passiona ca è surtanto ‘a mia...

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese