Dialettali 28 maggio 2015 · lettura 2 min · 2747 letture

+ Segui

A Napule fetimmo e io cu vuie pe primmo. A Napule puzzammo e nun me pare strammo pecché mia bella gente chesta città è fetente pe via ca ‘a vita soja è fatta ‘e freve e foja. A Napule se sonna na sciorta tosta e tonna. A Napule se campa c’o scisto ‘e meza lampa pecché chi c’è venuto ‘a sacca s’è regnuto lassanno v’ ‘o ripeto ‘a tanfa e pure ‘o fieto. A Napule se sbatte e vuie ‘e sapite ‘e fatte. A Napule stu cielo è comme a nu Vangelo pecché ‘e miettennante hanno futtuto ‘e sante e tutto ‘o semmenato chi ‘o sa chi l’ha arrubbato? A Napule se canta jucanno assieme ‘e chiante. A Napule s’abballa c’a morte ‘ncopp’a spalla pecché chi nun ce sape è cuollo senza capa e maje ce sta a sentì e maje ce po’ capì. A Napule sfaccimmo a Napule nuie simmo ‘a voce d’a cuscienza ‘o pane d’a pacienza ‘o sale ‘e tanta storia ‘a jonta d’a mammoria ‘a gente ‘a cchiù capace ‘o ffuoco ‘e na furnace ca sotto a sta muntagna ‘o fele e ‘a raggia magna ‘a terra soja tradita d’ ‘a famma ‘e chesta vita.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese