Dialettali 24 marzo 2016 · lettura 3 min · 2338 letture

+ Segui

Si fosse primmavera ie me mettesse ‘e scarpe ‘e chesta sera ca vene doce doce a me chiammà vulenno sta quartana accalummà e m’astrignesse a te cu tutt’a freve ca bruscia quanno ‘o cielo porta ‘a neve e me fa chino ‘e fuoco e sentimento comme pigliasse ‘o primmo sacramento. Si fosse primavera vedenno quanto è loffia ‘a funnachera ie me regnesse ‘a sacca cu tre rose ca addorano ‘e priezza e so’ piatose cu spine accussì ‘nziste e tagliarelle ca me scippasse a sango chesta pelle pe te sentì ‘e alluccà e pe’ despietto ie me mettesse a pognere stu pietto. Si fosse primmavera sapenno tutta quanta ‘a tiritera ie te cantasse ‘o sole ‘e sta jurnata ca porta ‘a cchiù fetente ‘nnummenata ma è bella comme ‘a faccia ‘e n’angiulillo ca pare ‘o cchiù lucente strummulillo e gira dint’a capa e dint’o core dicenno ca canosce sulo ammore. Si fosse primavera sapenno chesta vita ‘ntapechera ie te scusesse ‘e vase a uno a uno c’a smania ‘e chi cu sette fa trentuno e m’addurmesse dint’e bracce toie ca me fanno carmà turmiente e foie cuntento ‘e te tene’ matina e sera pecché surtanto tu sì ‘a primmavera. Traduzione - Se fossi primavera Se fossi primavera io indosserei le scarpe di questa sera che viene dolcemente ad invitarmi volendo dare calore a questo brutto momento e mi stringerei a te con tutto il desiderio che mi brucia quando dal cielo scende la neve e mi riempie di fuoco e d’amore come se facessi per la prima volta una cosa importantissima. Se fossi primavera scoprendo quanto è pigra e cattiva donna io mi riempirei la tasca con tre rose che odorano di felicità e sono misericordiose con spine così dure e taglienti per graffiarmi a sangue questa pelle per sentirti gridare e per dispetto mi metterei a punzecchiare il tuo petto. Se fossi primavera conoscendo interamente la sua storia ti canterei il sole di questa giornata che porta la più schifosa fama ma che è bella come la faccia di un angioletto che sembra la più splendida trottolina e gira nella testa e nel cuore affermando di conoscere solo l’amore. Se fossi primavera conoscendo bene questa vita pettegola ti scucirei con baci a uno a uno con la brama di chi con poco ottiene molto e mi addormenterei tra le tue braccia che riescono a sedare tormenti e rabbia contento di stare con te mattina e sera perché soltanto tu sei la primavera.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese