Dialettali 9 giugno 2016 · lettura 1 min · 1901 letture

+ Segui

Ah l’ammore comme pesa quanno ‘e panne so’ sciacquate quanno ‘a vocca fa rummore quanno ‘o core è ‘ncuietatore quanno ‘a panza vo magna’ sulamente pe sbaria’. Ah l’ammore comme è ‘nfame quanno l’acqua scenne ‘a terra quanno ‘o sole s’annasconne sotto ‘o ponte ‘e quacche gonna quanno ‘a sera p’o ‘nzurda’ sulo ‘e luce vò appiccia’. Ah l’ammore comme è ciuccio quanno ‘a capa è timmurata quanno ‘o juorno è scazzemmuso e se mette a fa’ ‘o zuzzuso quanno ‘a notte pe’ schiatta’ vò surtanto strascena’. Ah l’ammore comme è sicco quanno ‘a mana è na bannera quanno ‘a lengua fa ‘a malata e se sceta spipetata quanno ‘o tiempo vò smezza’ e se mette a fa’ ‘o scia llà. Ah l’ammore che fa fa’ ma l’ammore... neh... addo sta?

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese