Dialettali 24 maggio 2017 · lettura 1 min · 1962 letture

+ Segui

Me vulesse sceta’comme vuò tu e quacche vota comme voglio io cu chesta chiocca senza nu vulio cu chistu core ca nun chiamma aiuto c’a vocca ca nun cerca si ha patuto. Te vulesse sunna’ matina e ssera e quacche vota sulamente ‘e juorno cu chesta mano ca nun tene scuorno cu chesta lengua ca ‘ncantata vola ‘nfaccia a chist’uocchie tuoje ca fanno scola. Me vulesse cucca’ in’a sti bracce c’a vita ca paresse na signora e facesse ‘e stu munno ‘a tagliatora scusenno ‘a ‘mmiria ‘a famma ogne miseria e ghiesse passianno c’a sciammeria. Te vulesse canta’ chesta canzone cu tutt’a freva ca me fa sta’ zittto cu tutt’a forza ca me tene stritto a sta madamma ca me vene appriesso e ca se sente annura e campa ‘o stesso.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese