’O SCARPARIELLO (Il calzolaio dei quartieri Spagnoli a Napoli)

Quann cà me susavo è cinche e mezza, scarfavo o’ cafè ro’ juorno primmo. Ai pieri mme mettevo ‘e scarp’e pezza e me lavavo ‘a faccia ‘ntrù catino! I ppanni... semp chille d’a fatica, da ‘o tiempu cunzumati e chien’e ttoppe e all’urdimo su ‘ngoppa chill’ammica... o’ mantesino ‘e pèlle miezz rutte! Pe’ chi cà cumme me: "casa e puteca", campanno rint’o vascio d’e mistieri, cà tutti i juorni dorme e cà se sceta... co’ l’ogge semp’uguali cumm’aieri! L’addoro ‘ e ccolla, a cromatina ‘e scarpe hanno ‘nzuppato pùro ‘e vetr’e fori. I ffoje d’u giurnale è a ssola carte pe’ ‘a cunfezzione, cà, a li "SPAGNOLI"! M’è già succiesso cà ce sta carcuno cà lassa ‘o mocassino risuolato (gente senza renari), ffa ‘o riuno e passa ricenno "Tenitelo Stipato"! A ccosa cà ppe mme è chiù mej’e’ tutte è quanno a mezzojurnome ne vaco n’o’ "retro" e mitt ‘a rint’e’ terracotte: l’aglio co’ l’uoglio e ...apiccio ‘o foco! Nu poco ‘e pummarola datterino, basilico e sale. L’acqua borbotta... poi calo ‘o maccarone genuino e ‘a spulverata ‘e cacio- ricotta! Priparo ‘a tuvaglia, ‘o piattu ‘e cuoccio e metto la banchetta ‘ngoppa ‘o sole co’ nu becchiere è vvino (bivo ‘n guccio) a’ ffaccia ‘e chi è udioso e me vuò mmale!!