Poesia 18 ottobre 2017 · lettura 1 min · 1848 letture

+ Segui

E sento sott’ ‘o friddo ‘e chesta mano nu core ca s’abbruscia pe’ sape’ e tu ca rieste sempe nu nulano me guarde e m’addimmanne chi e pecchè. E ‘a vocca ca nun dice na parola ‘ncopp’ a sta terra santa ancora ‘ntrona e ie ca so’ nu figlio ‘e chesta scola te segno e attenno spierto ll’ora bbona. E ‘o tiempo ca vulesse cancella’ sti juorne ca so’ tutte scanuscente me conta ca sul’isso po’ ‘mpara’ sta chiocca ca se regne stantemente. E ‘a penna ca t’ha fatto cumpagnia scrivenno ‘ncopp’ a carta e dint’a ll’aria me mosta puntualmente chella via ca scorre troppo ‘nfame e sulitaria. E ‘a gente guarda ‘o cielo c’ ‘a speranza ca ‘o sole mette ‘a vesta cchiù lucente p’ ‘o munno ca penzanno sul’ ‘a panza cecato nun canosce e nun ce sente. E tu ca sì nu masto ‘ncantatore cuntinue a ricama’ miez’a sta chiazza nu suonno ca se mosta bannitore cercanno ‘e fa sceta’ sta bella razza.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese