Dialettali 4 gennaio 2018 · lettura 1 min · 1881 letture

+ Segui

Auguri a chistu tiempo ca corre appriesso ‘o niente cercanno int’e strumiente ’a forza ‘e squaquiglia’. Auguri a stu rilorgio ca segna ancora l’ore sapenno ca l’ammore nun po’ cchiù spuntunia’. Auguri a sta passione ca astregne ‘o core e ‘a capa e maje na porta arape ’nfaccia a st’umanità. Auguri a chesta Italia ca pare indifferente mente ca alleramente quaccuno sta a ‘mpacchia’. Auguri a sti scenziate ca sparano sentenze pazzianno c’a patenza ’e chi ‘e vò fa’ spina’. Auguri a sti lampiune ca fanno ‘ncurdature pure si ormaje so’ annure ’mmano a sta società. Auguri a sua eccellenza ca ‘e juorno ce cumanna mente ca ‘e notte spanne ogne specialità. Auguri a tutte ‘e babbie ca fanno suonne strane credenno ca dimane so’ pronte a se sceta’. Auguri a chella ggente ca cerca ancora ‘o sole pure si ‘a mussarola n’è fa cchiù annervula’. E infine auguri a me ca attenno ca ‘a Befana me porta int’a tiana ’o genio ‘e fraveca’.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese