Dialettali 5 aprile 2018 · lettura 1 min · 3896 letture

+ Segui

Tu t’a cante e tu t’a suone troppa bbella sta canzone sta sparata areto a’ porta ca s’addorme e sceta storta. Tu t’a suone e tu t’a cante e te dice “So’ giagante!” e st’orchestra buttunera cchiù ca faveza è muschera. Chesta è ‘a meglia litania ca se ‘ncoccia ‘ncopp‘a via chesta è ‘a peggia malatia gialla comme ‘a guittaria. Tu t’a cante e tu t’a suone sfatta e molla int’o cazone e stu core cu sta vocca è na perchia ca nun schiocca. Tu t’a suone e tu t’a cante juorno e notte ‘nchietta ’e sante ma a spiarlo stu pavone s’addemostra scarrafone. Locco- smocco miezo ’a festa acqua sciacqua pe’ menesta ma si ammarre sta fenesta ‘ncoppa a’ terra che ce resta? Tu t’a suone e tu t’a cante ma sta vita toia è vacante tu t’a cante e tu t’a suone Mastuggiorgio ‘o chiacchiarone.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese