Dialettali 19 luglio 2018 · lettura 1 min · 1431 letture

+ Segui

Sì stata na buscìa na fronna dint’a ll’aria sballuttiata na notte maje fernuta e accuminciata e mo’ sì nu vurrìa. Sì stata nu rusario na posta maje scagnata cu nisciuno ’e sante annummenate a uno a uno e mo sì calannario. Sì stata na Maria na croce senza chiuove né passione ‘o sango cunzumato ‘e na canzone e mo’ sì carne ‘e Dio. Sì stato na prumessa ‘o tiempo ca nun passa e s’ammatura ‘o metro ca sta freva m’ammesura reggina e princepessa. Sì stata marvasìa cchiù fuoco a primma sera ca tempesta ’a faccia annascunnuta ‘a na fenesta e mo’ sì litanìa. Sì stata pace e guerra ‘o buco dint’o mare ‘e nu riparo ’a grotta ca se penza nu cellaro e mo’ sì viento ‘e terra. Sì stata preggiaría na mamma figlia e pate a na speranza ‘o piatto ca s’appenna a na valanza e mo’ sì ‘a vocca mia.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese