Dialettali 8 agosto 2018 · lettura 1 min · 1775 letture

+ Segui

L’ammore è na tempesta ‘nzuccarata ca comme tocca ‘o friddo ‘e na guardata se ‘nturcina talmente attuorno- attuorno ca pure pe’ nu vaso tene scuorno. L’ammore quanno pogne è na sanguetta e t’è capace ‘e fa’ pure ‘a ninetta pe st’uocchie ca te sperciano nu core ca s’accideva a dì: “So’ ‘nzagnatore!” L’ammore è senza tiempo è nu minuto e quanno po’ se ferma allora è muto. Ahi voglia ‘e pizzica’ sta tammurriata: cchiù nun te sente e va cercanno n’ata. L’ammore è nu criaturo peccerillo ca te sta ‘nzino e sfronna arillo- arillo ma comme ‘o strigno p’o sentì obbrecato te ‘nfonna ‘a vesta e face ‘o scrapestato. L’ammore tu già ’o saie è chesta vita ca ‘mbraccio a te è amara e sapurita e nun t’a cagno manco si stu sole brusciasse chesta terra a volo a volo.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese