Dialettali 19 settembre 2018 · lettura 1 min · 1368 letture

+ Segui

Core ca vò calore ca bussa cu pacienza a tanta porte pure si ‘a vita tene ‘e cosce corte e tremma int’a nuttata e fa ‘o criaturo dicenno ogne mumento: “Amo’ t’o giuro!” Core ca fa rummore ca resta ‘ncoppa ’o palco ‘o primmo attore jucanno c’a passione e cu ll’ammore mettenno dint’a sacca ddoje munete si appriesso a sta tempesta vene ‘a sete. Core ca sape ‘e addore ca fete e nun se sente affatto bbuono quanno ‘nzembra ‘o silenzio vene ‘o tuono e appena ‘o lampo mette ‘a vesta bella vulesse turna’ a fa’ ‘a signurinella. Core ca dà sapore ca tale e quale a ‘o tuoio è fatto ‘o mio se sceta ogne matina c’o vulio ‘e da’ nu vaso a chesta sciorta ‘nfama sapenno ca cchiù è ‘nfetta e cchiù l’abbrama.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese