Dialettali 22 novembre 2018 · lettura 1 min · 1259 letture

+ Segui

Sotto a stu cielo fatto ‘e stelle spase ‘a chiocca stranamente bussa e trase e cerca e se turmenta e so’ quatt’ore si chistu spanto fete oppure addora si crede ca stu vierno è puntigliuso si ‘a penna se cunfessa a chi è schiattuso scrivenno ‘ncoppa ‘a carta smuccarie e quacche vota pure magarie ca si dimane ‘o sole mette ‘a sciassa e ‘a vita cchiù se regne e cchiù se ‘ngrassa si ‘o piello ca enno cantero e pezzente allucca scancariato mmiezo ’a gente ca tene famme e sete e vò sbaria’ e ‘a zella sotto ’a carne vò scria’ ca sta jurnata nera s’è scusuta sapenno pe ‘ntramente ca è fernuta e appiccia nu lumino ‘nnante ‘a sciorta cuntanno ca sta vita è troppo corta pecché vò accumpare’ pe fa’ ‘a lumera sciascianno comme sponta ‘a primmavera.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese