Dialettali 17 gennaio 2019 · lettura 1 min · 2025 letture

+ Segui

Io songo nu fetente e me ne vanto ‘a puzza sotto ‘o naso e tanta grossa ca si me ‘ncuontre a te te vene ‘a mossa e dint’e vene ‘o sango se fa chianto. Io so nu chiappo ‘mpiso ‘o cchiù fetuso m’ammesca ca munnezza e cu ‘e mappine e tutte quante ‘e cose areto ‘e rine se mettono a scria’ ca so’ zuzzuso. Io so’ talmente n’ommo ‘e conseguenza ca ‘o guappo se me ‘ncontra cerca ‘o scuro e comme ‘a cchiù sfaccimo sculaturo nun tengo né canimma né scadenza. Io so’ chillo ca spezza ‘e corne ‘a morte e si t‘a ‘ncoccio essa cagna ‘a via e se ne fuie dint’a preggiaria dicenno a cane e puorce “State accorte!” Io so’ fetente e nun me ‘mporta niente si ‘o core fa ‘o pezzente cu Maria e quanno ‘a vasa perde ‘a guapparia e t’addevento scemo e so’ cuntento.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese