Dialettali 24 gennaio 2019 · lettura 1 min · 1324 letture

+ Segui

E si mettesse ‘ncuollo na divisa paresse nu surdato overo armato cu nu cannone ‘nfame comme ‘a guerra ca quanno spara fa tremma’ sta terra. E si vestesse ‘a vita c’a sciammeria fosse elegante e cu na cora tanta facesse la gran dama la sciscì ca te cancella tutt’e viernarì. E si purtasse ‘nzino ‘o mese ‘e austo spenzasse sole e fuoco a tanta ‘a ggente e cancellasse ‘e suonne ogne mumento mente ca faccio stu raggionamento. E si ce stesse ancora ‘o granne ammore ie te vasasse ‘o saje matina e sera e m’astrignesse a te cu tutt’a foia pecché tu fusse Elena di Troia. E si tenesse stiso muorto ‘a scolla e me chiagnisse overo dint’o lietto allora nun penzasse cchiù a nisciuno sentenneme cu ‘e sante nuvantuno.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese