Dialettali 21 febbraio 2019 · lettura 2 min · 1673 letture

+ Segui

Rivoluzione, rivoluzione, ogge ‘o popolo è scurzone! Rivoluzione, rivoluzione, nun vulimmo cchiù patrone! Rivoluzione, rivoluzione, chisto è ‘o juorno d’o fucone ca t’appiccia mare e terra, ca te joca ‘o serra- serra pecché è stanco ‘e sfrennesia’ e se sente ‘e sbattaglia’. Chesta è l’ora d’o fracasso, chesta è l’ora ca ce ‘ngrassa! Simmo ‘o popolo tiranno e spannite a tutte ‘o banno! Rivoluzione, rivoluzione, ogge ‘o popolo è lione! Rivoluzione, rivoluzione, nun vò sentere raggione! Rivoluzione, rivoluzione, votte ‘e mane e fa ‘o schiantone, bive e magne ‘a chi t’avuto e appreparece ‘o tauto pecché è tiempo ‘e cagna ‘a vesta, e suna’ pe’ n’ata festa. Chesta è gente bannariola... chesta è gente mariola! Simmo ‘o popolo vullente ca stu juorno scogna ardente! Rivoluzione, rivoluzione, ogge ‘o popolo è vurpone! Rivoluzione, rivoluzione, lanza ‘e prete e fa ‘o scignone! Rivoluzione, rivoluzione, s’è ‘ngrifato ‘o capaglione e cu tutta quanta ‘a freva va currenno a quaglià ‘a neva, pecché a ‘ntiso ca ‘a parrocchia sta apparanno na papocchia. Chesta è gente ca fa ‘a croce... chesta è gente doce doce! Simmo ‘o popolo mappina ca cchiù sbatte cchiù strascina! Rivoluzione, rivoluzione, ogge ‘o popolo è bestione! Rivoluzione, rivoluzione, s’è scetato e fa ‘o pappone! Rivoluzione, rivoluzione, s’è ‘nfucato ‘o cannarone pe’ sta vita, sta lutamma, ca s’a perzo pure ‘a mamma, pecché ‘a capa s’è ‘ntrucchiato e se ‘nfizza int’o pignato. Chesta è gente ca nun schiatta... chesta è gente ca fa ‘a ratta! Simmo ‘o popolo sciurdezza tutto l’ate so’ munnezza!

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese