Dialettali 28 febbraio 2019 · lettura 2 min · 1413 letture

+ Segui

Songo ‘a maesta ‘e tutt’e maeste arapo celle porte e feneste... Dint’a ogne capa revaco nu chiummo ca cu fermezza enchio e sfrantummo e si na chiocca nun sape trutta’ io saccio propio comme se fa’... Te l’arravoglio cu tanto ‘e mestiere pecché de’ suonne ie so’ trappuliere. Te l’arrevoto cu tutt’a accurtenza pecché sta sciorta stravina scajenza. T’o sporchia annuro cu tanto ‘e vulio stu pennarulo comm’o voglio io. Songo ‘a paglietta ‘e tutt’e pagliette fraveco loffe sciacque e ninette... ‘E chesta scola ie songo ‘a reggina ‘e ogne notte t’a lampa ‘a matina e si nu sturcio me cerca ‘e sulia’ ie cerco sempe che se po’ fa’... T’o pitto nàimo ‘ncoppa ‘a sagliuta ca na cannela svacanta l’aiuta... T’o ‘nzorfo guappo senza cannola chianta scuffata mancante ‘e ogne mola e si nu piello ie pozzo sfrunna’ cu tutt’o core m’o metto a talia’. Songo ‘a maesta ‘e tutt’e maeste ‘mpacchio patane fasule e rapeste... V’e faccio sante sti figlie lampiune pecore zoppe pittate ‘a liune pecché chest’arte v’a faccio ‘ntrucchia’ modestamente è specialità... Songo ‘a maesta ‘e tutte ‘e maeste e quanno sono sentite n’urchesta ca cu nu mì ve fa ‘nfessari’ e cu nu sì ve smonta ‘o fifì... Perciò applaudite cu tutt’a passione: songo ‘a maesta ca tene ‘o cazone! (Chesta è ‘a maesta ‘e tutt’e maeste ca mo’ ca parte fernesce ogne festa e allora senza sta bagnarola gente fujte ca more sta scola!)

♥ 0 💬 2

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese