Dialettali 14 marzo 2019 · lettura 1 min · 1461 letture

+ Segui

‘O tiempo nun s’accatta e nun se venne pure si ‘e vote corre a vienitenne. Vulisse ca durasse cchiù ‘e nu poco ma nun t’abbasta e quanno po’ se ‘nfoca t’allicche alleramente ‘a caramella e astrigne miez’e diente ‘a zezzenella. E’ nu rilorgio sempe puntuale cagna ogne juorno e pare tale e quale. C’o sole è bbuono sulo a tartaglia’ ‘e notte po’ se mette a sfrennesia’ cu l’anne nun è cacchio ‘e arrepusa’ p’a sciorta posa sulo addò vo’ sta’. T’aspetta ma nun trova n’arricietto e nun canosce maje ‘o stesso lietto. Amico nun è amico ma cumpagno e ‘a tela t’apprepara comme a ragno e nun te dice maje pecché e pe comme pure si ‘nzorfa ogn’ora “Tu ‘a fa’ l’ommo.” E’ femmena cianciosa è prima donna tene ‘o cazone e porta pure ‘a gonna. Nun dorme e si s’addorme è ‘o cchiù scetato pecché ‘e sta vita è ‘o primmo nnammurato e quanno nchiude ‘a porta finalmente t’adduone ca stu tiempo è propio niente.

♥ 2 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese