Dialettali 27 marzo 2019 · lettura 1 min · 1411 letture

+ Segui

Io canto pecché ‘nterra spanno ‘o bene cercanno ‘e spezza’ lacreme e catene e allucco cu na forza tutta mia e ‘o faccio senza pognere sta via. Io canto ogne matina cu sta vocca mettenno ‘a scunfidenza addò se cocca e sono puntualmente nu strumento ca dice cu futezza “Songo accento!” Io canto c’a paura ‘e nun senti’ ‘a sciorta ca me dice pronta sì e dato ca sta vita è na puisia t’a spenno comme fosse litania. Io canto a miezjuorno pe’ magna’ chello ca maje pe’ sempe abbastarra’ e allegerisco freve prete e sciorta appriesso a chesta freva scigna e corta. Io canto c’a sciurdezza dint’a mano ca parla a chistu cielo assaje luntano e songo ‘o cchiù felice quanno ‘o pilo se sceta strummulillo e va a ll’asilo. Io canto tutt’e notte pettemuso c’o munno ca s’addorme pampanuso e sonno sempe e sulo ‘a stessa cosa: stu core ca me sbatte e nun reposa.

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese