Dialettali 3 aprile 2019 · lettura 1 min · 1436 letture

+ Segui

T’è miso in prima fila cu tanto ‘e faccia ‘e cane pe’ dirme ca stu pane nun me po’ maie sazia’... E allora pilo pilo parlanno in lingua tosca ‘mpicciosa fieramosca pe’ se sparà na posa sta lengua schiattigliosa ha fatto sentenzià justo pe scemià. T’è miso in prima fila cu l’uocchie ‘e na janara e ’a vocca toja massara ha ditto scemità. E allora zittu zitto facenno ‘o ciuccio e ‘o pinto so’ asciuto d’a ‘o recinto e t’aggiu cunsulato c’o meglio lammeccato e tutt’a ‘nfamità è chianto ‘e quacquarà. T’è miso in prima fila c’a freva ‘e na quartana e cu na chiaranzana parivo sua maestà. E allora o riffe e raffa ‘a penna s’è scetata e allera t’ha schifata pecché nun saje abbede’ né tanto sustene’ pecché tu sì nu fieto ca parla sulo areto.

♥ 0 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese