Dialettali 10 aprile 2019 · lettura 1 min · 1834 letture

+ Segui

Te sento ancora cu sta voce nera ca canta cu passione Terra mia mente Cuncetta attenne ‘ncoppa ‘a via sta vita ca s’è fatta tavernera. A me me piace ‘o blues e sta lummera c’ha spetacciato ‘e suonne e l’alleria m’afferra e me scancella ‘a pucundria amara e doce comme a na galera. E dato ca so’ pazzo ufanamente ie sto vicino a te cu ‘e guarattelle pure si ‘o core tremma scanuscente. E visto ca sta vita è cientepelle te veco sempe mmiez’a chesta ggente pure si mo’ tu puorte ‘e scelletelle e sti ddoje semmentelle t’e ‘nterro dint‘o pietto ‘e nu guaglione i know my way e so’ nu scarrafone.

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese