Dialettali 1 maggio 2019 · lettura 1 min · 1311 letture

+ Segui

Io songo nu precario nu cane ‘ncaucenato nu suonno scammesato ‘ncurdato c’a paura ‘e chesta vita annura ca cerca e va sbarianno e va spannenno ‘o banno. Io songo nu precario na sciorta vummecosa na zita ‘a cchiù chiarchiosa ca puntualmente è a tiro ‘e chistu cielo niro ca ancora vò paria’ ca nun se vò ‘nzerra’. Io songo nu precario nu cantero sfunnato na vocca senza sciato ca parla a troppa ggente ca pare ca nun sente pecché vò fa’ cchiò-cchiò addò chi sape po’. Io songo nu precario na vrenzula scaduta na perchia addecuttuta perduta miez’a tante ‘o peggio trastulante ‘e chesta vita bella ca fa’ ‘a catarenella. Io songo nu precario ‘o primmo ‘e ‘ncopp’a lista nu zallero turista pezzente e miliardario ‘o meglio strafalario perciò nun me scucciate e ‘nzieme a me scialate!

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese