Dialettali 15 maggio 2019 · lettura 1 min · 1338 letture

+ Segui

Mamma ca mamma sì...acqua ‘e nu mare ca ‘ncopp’a chesta terra m’arrepara voca int’a l’onne senza ave’ paura canta c’o core senza ‘nchiummatura. Mamma ca mamma sì...stute stu fuoco ca strure chesta vita a poco a poco mente ca ‘o tiempo sfratta cielo e munno e ‘a primmavera s’ammantiglia ‘e autunno. Mamma ca mamma sì...spezza ‘o licchetto e miette tutt’a forza ‘e dint’o pietto dicenno sempe no a sta spurchizia ca ‘mbrasseca sti lastre sizia- sizia. Mamma ca mamma sì...ca chistu figlio ‘nchiudenno l’uocchie lasse int’o scunciglio sbatte sti scelle e vola comme saie ca ‘o juorno nun se sceta senza guaie. Mamma ca mamma sì...suonno spugliato guardalo ‘nfaccia comme fosse n’ato e dalle na certezza maie accattata ca ogge ‘a vita nova è accuminciata.

♥ 1 💬 0

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese