Dialettali 29 maggio 2019 · lettura 1 min · 1381 letture

+ Segui

So’ pescatore ma nun saccio ancora si ll’esca ca sto ausanno è chella bbona si ‘o viento ca me sfotte è na malora e ‘o verzo ca te scrivo è na canzona. So’ pescatore ma nun veco ‘o mare! Chest’acqua tene ‘a faccia scacazziata chest’onne so’ cu ll’onne vermenare e ‘a terra cu stu cielo è cuntrastata. So’ pescatore chiammo e nun me siente. ‘A recchia tene ‘e corde d’a smucchezza ‘a lengua voca e sfronna dduje lamiente ‘o core sbatte loffio p’a stracquezza. So’ pescatore e so’ rumasto sulo c’a limma ca nun cerca cchiù a nisciuno c’a vita ca apprepara nu lenzulo c’arraggia ca se chiamma nu trentuno. Chello ca sbrenne è ‘mmiria e ciucciaria e ‘o sole è senza luce piccerè. ‘Ncopp’a sta varca suonno e pecundria so’ pescatore e sto aspettanno a te.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese