Dialettali 19 giugno 2019 · lettura 1 min · 1224 letture

+ Segui

E tu ca cu sta penna ‘nguacchie ‘a vita amara doce rappa e sapurita me parle cu na lengua scanusciuta ca senza d’a capi’ me da’ n’aiuto. E tu ca sì ‘e na terra fredda assaje m’he ditto senza di’ ca nun sta ‘o maje e ie ca porto ‘o sole dint’a sacca me sento na palomma ‘e ceralacca. E tu ca vaje scacanno chisto e chillo m’ha miso ‘ncoppa ‘a carta nu tantillo e ie ca so’ na voce ‘nfaccia ‘o niente te parlo strascinato e tu me siente. E nuje ddoie stelle perze e assaje luntane pe’ nu mumento ci ammo stritto ‘e mane.

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese