Dialettali 3 luglio 2019 · lettura 1 min · 1263 letture

+ Segui

Palummella, statte a casa, nun cercarte n’ata via! Ogge è morta ‘a fantasia: statte ‘a casa e nun vula’! Ccà se dorme, notte e ghiuorno, cu sta neglia, cu sta neglia attuorno attuorno. Ccà se dorme, senza scuorno, e nun sanno e nun sanno parpeta’. Palummella, statte a casa, chesta vita è ‘nchiastaria: ce sta troppa fetenzia. Statte a casa, cante ccà! Chi te ‘mbroglia, chi te spoglia, corre e afferra, corre e afferra a s’abbuffa’. Ma nun sape ca dimane, primma o doppo, primma o doppo, addà schiatta’. Palummella, statte a casa e sarraje surtanto ‘a mia. Chesta casa è mastaria e te ‘mpara a cammena’. E’ cumpagna, nun te scagna, e te vene appriesso appriesso a cunzula’. Tene core, dà calore, e te dice doce doce: Io stongo ccà!

♥ 0 💬 1

© Tutti i diritti riservati. L’opera è protetta dalla Legge 22 aprile 1941 n. 633 sul diritto d’autore: è vietata la riproduzione, anche parziale, senza il consenso dell’autore.

Peppe Cassese